Itxi

2016/07/18

16:48

kultura

Bizkaiko Aldundia

Urdaibaiko Guggenheim ez dago legegintzaldi honetarako aurreikusita

Agentziak | Erredakzioa

Bizkaiko Aldundiaren arabera, egungo egoera ekonomikoak ez du ahalbidetzen museoa Urdaibaira zabaltzeko egitasmoari ekitea, baina “noizbait heldu beharko diogu gaiari”, Kultura diputatuaren ustez.

  • Egoera ekonomikoa dela eta, Aldundiak ez du uste hedapenari ekitea posible denik

    Egoera ekonomikoa dela eta, Aldundiak ez du uste hedapenari ekitea posible denik

  • Whatsapp
  • Whatsapp
  • Telegram
  • Bidali

Lorea Bilbao Bizkaiko Aldundiko Euskara eta Kultura diputatuak gaur esan duenez, Aldundiak “ez du aurreikusita” Guggenheim Museoa Urdaibaira zabaltzeko egitasmoari legegintzaldi honetan ekitea. “Egoera ekonomikoak ez du horrelakorik ahalbidetzen, baina noizbait heldu beharko diogu gaiari”, esan du Talde Mistoak arte modernoko Bilboko zentroa hedatzeko egitasmoa zertan den galdetu eta gero.

Lurraldeko Batzar Nagusietako Euskara eta Kulturako Batzordean egindako agerraldian, aurrekontu murritzagoak izateak bere sailean zer eragin izango ote duen galdetu diote goizean, eta Jose Maria Iruarrizaga Ogasun eta Finantza diputatuak joan den astean esandakoak berretsi ditu Bilbaok; “zuhurtziarako deia” egin zuen orduan Iruarrizagak.

“Gastuari emango diogu lehentasuna, eta ezinbestekoa ez dena azken hiruhilekorako utziko dugu. Beharrezkoa bada, proiektu batzuk atzeratuko ditugu, baina ez ditugu baztertuko”, esan du Bilbaok.

  • Bisitatuena

      Kargatzen ikusiena
      Kargatzen ikusiena
    ;