kultura
Uztailaren 25etik 29ra
Salvador Sobral eta Robert Glasper 53. Jazzaldian izango dira
Agentziak | Erredakzioa
Jose Luis Lanzagorta diseinatzaile grafikoak jaialdi donostiarraren 2018ko kartela egin du. Aurreko hamar ediziotan ere bere lanak izan ziren Jazzaldiko irudi.
-
Salvador Sobral abeslari portugaldarra. Artxiboko argazkia: EFE
Salvador Sobral abeslari portugaldarra eta Robert Glasper piano-jotzaile estatubatuarra Donostiako Jazz Jaialdiaren egitarauan izango dira. Sobralek Eurovisioneko azken edizioa irabazi zuen.
Ordainpeko egitaraua osatuko duten azken izenen berri eman du gaur Miguel Martin Heineken Jazzaldiako zuzendariak. Prentsaurreko berdinean 53. edizioko kartela aurkeztu dute. Jazzaldia uztailaren 25etik 29ra bitartean izango da.
Jaialdi donostiarraren 2018ko kartela Jose Luis Lanzagorta diseinatzaile grafikoak egin du. Aurreko hamar ediziotan ere bere lanak izan ziren Jazzaldiko irudi.
53. Jazzaldiaren kartela. Argazkia: EFE
Martinek, Lanzagortarekin eta Jon Insausti Donostiako Udalaren Kultura zinegotziarekin batera, programako azken izenak iragarri ditu. Sobral eta Glasperrez gain, Christian Scott tronpeta-jotzailea, Terrace Martin saxofoi-jotzailea eta Curtis Stigers kantaria Donostian izango dira.
Salvador Sobralek emanaldia uztailaren 28an (larunbata) eskainiko du, Trinitate Plazan. Bestalde, Robert Glasper Houstoneko pianista Alde Zaharreko agertoki berdinean izango da, uztailaren 26an, ‘R + R = NOW’ taldearekin.
