Bertsolaritza
Asteburuan
Durangoko finalerdia eta Urretxuko bertso afaria, Hitzetik Hortzeran
Hitzetik Hortzera
Lander Garro idazle eta kazetaria izango da platoan
Urretxuko Motz tabernan bertso jardun bikaina eskaini zuten joan den astean Maialen Lujanbiok eta Andoni Egañak. Ia bi orduz goi-mailako saioa ondu zuten han bildutako pribilegiatuentzat. Saioaren agurreko bertsoan han sentitutako hurbiltasuna pantailan islatzeko erronka jarri zion Egañak Hitzetik Hortzerako lantaldeari, eta horretan ahalegindu dira bertso programakoak.
Durangon Barakaldorako txartela atera du Onintzak Enbeitak
Durangon 800 lagun baino gehiago bildu ziren Landako Gunean Bizkaiko Bertsolari Txapelketako aurreneko finalerdia bertatik bertara bizitzeko. Kantuan: Xabat Galletebeitia, Etxahun Lekue, Jone Uria, Onintza Enbeita, Ibon Ajuria eta Gorka Lazkano. Saioa ez zen diztiratsua atera baina; izan zen lan ederrik: kartzelakoetan batez ere. Bizkaiko Txapelketako lehen finalista Onintza Enbeita izango da, berorrek bildu baitzituen puntu gehien. Bertso lanik dotoreenez gain, bertaratutako zaleen iritziak eta bertsolarienak eurenak emango dituzte programan. Gainera Goizalde Landabaso kazetariak programarentzat propio egindako kronika ere ikusteko da egongo da.
Lander Garro idazlea gonbidatu
Jon Artano aurkezleak Lander Garro idazle eta kazetaria izango du gonbidatu. Garro Sautrela programako gidoilaria da, hainbat komunikabideetan aritzen da iritzia ematen, eta ez du publikatu zaharra Kontrarioa bere lehendabiziko nobela. Bertsolaritzaz duen ikuspegia emango du platoan.
Zapping atalean garai bateko Kate-motzean atala ekarriko dute: Jexux Mari Irazu, Amets Arzallus, Jon Maia eta Anjel Mari Peñagarikano ikusiko ditugu Amaia Agirrek botatako galdereri di-da erantzunez.
''Jasotako''etan: zaldi gaineko poteo frustratua
Asteon ere jaso dute bertsozaleek bidalitako bideo bat erredakzioan. Zamudioko Susterrak tabernakoek zaldi eta asto gainean bertso poteoa egiteko asmoz deitu zituzten Aitor Arrizubieta Toko, Fredi Paia eta Etxahun Lekue... Azkenean eguna ez zen pentsatu bezela atera, ez ziren poteo egin gabe geratu ordea!
Hori guztia domekan, 21:00ean, etb1n. Eta larunbataz eroztik ikusgai eitb.com-en.
