Publizitatea
Itxi

2020/06/30

13:29

kultura

Euskalduna Jauregia

Euskalduna Jauregiak 1.634 eserlekura murriztu du edukiera

AGENTZIAK | ERREDAKZIOA

Koronabirusaren ondorioz, gainera, kanpoko sarreretan eta barruko pasabideetan norabidea zehazten duten seinale gehiago ezarri dituzte segurtasuna bermatzeko.

  • Euskalduna Jauregian antolatutako antzerki saio bat. EiTBko bideo batetik hartutako irudia.

    Euskalduna Jauregian antolatutako antzerki saio bat. EiTBko bideo batetik hartutako irudia.

  • Whatsapp
  • Whatsapp
  • Telegram
  • Bidali

Astearte honetan, Bilboko Euskalduna Jauregiak osasun-segurtasuna bermatzeko hartu dituen neurrien berri eman du. Horrela, lehen 3.770 eserleku bazituen ere, orain 1.634 besterik ez dira egongo erabilgarri, eta horietatik 1.000 Auditoriumean egongo dira.

Eraikinak dituen sei barrutietako edukiera erdia baino gutxiagora murriztuko da, 3.770etik 1.634ra. Ondorioz, Auditoriuma 2.164 eserleku izatetik 1.000 izatera igaroko da; 0A aretoa, 150etik 55era; 0B, 613tik 103ra; 0C, 103tik 50era; 0D, 305etik 85era; eta 0E, 435etik 144ra.

Protokolo eta zerbitzu berriak

Euskalduna Jauregiak jarraibide berriak diseinatu ditu, bai “langile, sustatzaile, antolatzaile eta jarduerak antolatzen aritzen direnentzat”, baita “garbiketa eta desinfekzio lanetan aritzen direnentzat” ere. Jauregiak, gainera, erabili eta botatzeko aurikularrak eskainiko ditu aldibereko itzulpen zerbitzuetan.

Aldi berean, segurtasuna bermatzeko asmotan, kanpoko sarreretan eta barruko pasabideetan norabidea zehazten duten seinale gehiago ezarri dira, eta airea garbitzeko sistema “efizienteagoa” jarri dute.

Jauregiak, gainera, eguneroko jardueretan segurtasun-jarraibideak diseinatzen lagunduko die antolatzaile eta sustatzaileei. Segurtasuna aztertzen dutenek erakundeek egin litzaketen segurtasun eta ikuskatze lanetarako Euskaldunako jardueretan parte hartu duten pertsonen harremanetarako kontaktuak ere jasoko ditu.

Horrez gain, maskarak “nahitaez” erabili eta segurtasun-distantziak gordetzen direla baieztatuko dute, eta sarrerak inprimatuta zein mugikorrean eraman beharko dira. Ikuskizuna ezeztatuz gero, “sarreren dirua itzuli egingo da”, Euskaldunak azpimarratu duenez.

  • Bisitatuena

      Kargatzen ikusiena
      Kargatzen ikusiena
    ;