kultura
Kimuak 2020
72 laburmetrai aurkeztu dira Kimuak 2020 aukeraketa programara
AGENTZIAK | ERREDAKZIOA
Kimuak 2020 ediziora pasa den urtean baino zazpi film labur gehiago aurkeztu dira. Emaitzak uztailaren 13an argitaratuko dira.
-
Kimuak programa. Irudia: Kimuak.
72 film labur aurkeztu dira aurten Kimuak 2020 euskal laburmetraien ekoizpen eta banaketa programara, 2019an baino zazpi gehiago. Izen-emateko epea pasa den asteartean, ekainak 30ean itxi zen, eta Etxepare Euskal Institutuaren arabera, emaitzak uztailaren 13an emango dira.
Zinema eta ikus-entzunen industrian adituek osatuko dute Kimuak programaren 23. Edizioa. Aditu horien artean Michèle Driguez, Montpellierko (Frantzia) Zinema Mediterraneoaren Nazioarteko Festibalean laburmetraien aukeraketa arduraduna; eta Alfonso López, Donostia Kulturako Unitateko teknikaria eta Bang Bang Zinema taldeko kidea.
Horrez gain, aukeraketa komite horretan arituko dira baita ere Dora Martí, Kulturako Valentziako Institutuan ikus-entzunezko sustapenaren era Curts Comunitat Valenciana katalogoaren arduraduna; José Luis Rebordinos, Donostiako Zine Festibalaren zuzendaria; eta Nekane E. Zubiaur Gorozika, Euskal Herriko Unibertsitateko (UPV/EHU) irakasle eta ikerlaria.
