Nazioarte mailako Cosplay lehiaketa, Zornotzako Mangamore jaialdian

Zornotzako Manganime eta Kultura Japoniarraren Jaialdia den Mangamorek nazioarte mailako Cosplay lehiaketa bat hartuko du larunbat honetan, 18:30etatik aurrera. Cosplay manga edota anime pertsonaien antza oinarritzat hartuta, haien janzkiekin mozorrotzea da.

Estatu mailako cosplayerrik garrantzitsuenek hartuko dute parte aurtengo edizioan. Horrela, bertan izango dira Nico eta Mei, Japongo Summit jaialdian 2008an eta 2011n Espainia ordezkatu duen bikotea; Piruletosa, Summit 2009an estatu espainiarraren ordezkari izan zen eta 2. postua lortu zuen taldearen kideetako bat eta Espainiaren banakako ordezkaria Portugaleko Cosplay World Masterraren 2011ko edizioan; Lirin, ordezkari espainiarra 2011n Yamato Cosplay Cup izeneko lehiaketan; Sae, 2011n Pariseko ECG jaialdian Espainia ordezkatu zuen taldearen kidea eta garrantzi handiko hainbat sariren irabazlea; eta Usagi eta Sua, mundu honetan gaur egun garrantzirik handiena duten bikoteetako bat.

Manga eta animeren azken nobedadeak, Zornotzako Mangamore jaialdian igandera arte ikusgai.