Publizitatea
Itxi

2021/02/17

15:21

kultura

Kearen eta lanbroarten artean

San Telmok Sigfrido Koch Bengoechearen 150 argazki bildu ditu

N. V. | EITB Media

“Kearen eta lanbroarten artean” erakusketako irudiek Gerra Zibilaren izugarrikeriak eta Euskal Herriko antzinako bizimodua erakusten dituzte. Maiatzaren 23ra arte bisita daiteke, Donostiako museoan.

6
  • "Gernika". Sigfrido Koch Bengoechea.

  • "Saregileak". Sigfrido Koch Bengoechea.

  • "Laiariak". Sigfrido Koch Bengoechea.

  • "Iratzea jasotzen". Sigfrido Koch Bengoechea.

  • "Bizkaiko Frontea". Sigfrido Koch Bengoechea.

  • "Errepublikako eskuadrila Ebroko Frontean". Sigfrido Koch Bengoechea.

  • Whatsapp
  • Whatsapp
  • Telegram
  • Bidali

“Kearen eta lanbroarten artean” erakusketak Gerra Zibilaren izugarrikeriak eta Euskal Herriko bizimodua erakusten dituzte, Sigfrido Koch Bengoechearen 150 argazkiren bitartez. Donostiara bizitzera joandako Willy Koch Schöneweiss aleman argazkilariaren bigarren semea izan zen Sigfrido, eta irudi gehienak argitaragabeak dira.

“Kearen eta lanbroarten artean” bi aretotan banatu dute. Lehenengoa "gerraren albumari" eskainia dago, Gerra Zibilaren argazki argitaragabeekin osatutako album bati. 90 bat irudi erakusten dira, garai hura dokumentatzeko balio duen material gehigarriarekin batera.

Irudi horietan, Franco jeneralaren indarrak babestu zituzten Abiazio Legionarioak (Italia) eta Condor Legioak (Alemania) Euskal Herrian egindako bonbardaketen ondorioak ikusten dira, suntsitutako herriak, hala nola Zornotza, Bilbo, Durango, Galdakao eta Gernika, baita Burdin Hesiaren argazkiak ere, Bilbo babesteko 180 bunkerreko sistema.

Lehen aretoko erakusketari amaiera emateko, Carmelo Balda doktoreak egindako aurpegi ebakuntzen argazki batzuk erakusten dira.

Bigarren aretoak 1948an argitaratutako "País Vasco: Guipúzcoa" liburuko 65 irudi inguru erakusten ditu, izaera bukolikokoak.

  • Bisitatuena

      Kargatzen ikusiena
      Kargatzen ikusiena