kultura
Lakarri-Arhane-Sarrikotagainen
Igandean hasiko dira aurtengo maskaradak
N. V. | EITB Media
Urtarrilaren 12an hasi, eta martxoaren 30era arte, hamabi saio egingo dituzte Ibarresküin ibarreko gazteek.
-
Pagolako gazteek antolatu zituzten maskaradak iaz
Lakarri eta Altzaiko gazteek bultzatuta, igandean, urtarrilak 12, hasiko dira aurengo maskaradak, Zuberoan. Guztira, hamabi emanaldi egingo dituzte martxoaren 30era arte, Lakarri-Arhane-Sarrikotagainen hasi eta Altzai-Altzabeheti-Zunharretan bukatuta, Euskal Kultur Erakundeak jasotzen duenez.
Zita hauek jarri dituzte, hurrengo hiru hiletako larunbat-igandeetan, lakarrar eta altzaiar gazteek:
Urtarrilak 12: Lakarri-Arhane-Sarrikotagaine
Urtarrilak 19: Zalgize-Doneztebe
Urtarrilak 25: Larraine
Otsailak 1: Altzürükü
Otsailak 9: Ligi-Atherei
Otsailak 15: Pagola
Otsailak 23: Atharratze-Sorholüze
Martxoak 1: Gamere-Zihiga
Martxoak 9: Idauze-Mendi
Martxoak 15: Barkoxe
Martxoak 23: Urdiñarbe
Martxoak 30: Altzai-Altzabeheti-Zunharreta
Dantza eta predikua uztartzen ditu maskaradak, eta bi talde aritzen dira: gorriak, gathuzain eta zamalzain dantzari trebea tartean, eta beltzak, basati eta bortitzagoak. Hiru zati ditu: barrikaden haustea, ofizioak eta jolasak.
Iaz Pagolako gazteek antolatu zituzten maskaradak, eta, aurreko urtean Mauleko gazteen eskutik bezala, ez zen buhamerik izan pertsonaien artean, antolatzaileek uste baitute kutsu arrazista duela pertsonaiak.
