kultura
Kontzertu-bira
Fito & Fitipaldis taldea eszenatokietara itzuliko da eta kontzertuak egingo ditu BECen eta Nafarroa Arenan
EITB Media
'Aullidos' bira udazkenean hasiko da. Abenduaren 12an Iruñeko Nafarroa Arenan arituko dira eta urtarrilaren 9 eta 10ean kontzertu bana emango dute Barakaldoko BECen.
-
Fitok San Mamesen eman zuen kontzertua 2022ko ekainean. Argazkia: EFE.
Fito & Fitipaldis talde bizkaitarrak Euskal Herrira ekarriko dituen bira iragarri du ostegun honetan. Iruñeko Nafarroa Arenan arituko dira abenduaren 12an eta Barakaldoko BECen bi kontzertu egingo dituzte urtarrilaren 9an eta 10ean.
Aullidos izena jarri diote birarekin eszenatokietara itzuliko dira Fito Cabrales eta taldekideak, bi urte eta erdiren ondoren. Live Nation promotorak azaldu duenez, taldearen betiko abestiez gainera, udazkenean argitara emango duten El monte de los aullidos diskoa promozionatuko dute kontzertu sorta honekin.
Azaroaren 22an hasiko dute bira Santanderren, eta Fuengirolan (Malaga) emango diote amaiera 2026ko maiatzaren 2an. Guztira, 30 kontzertu emango dituzte, besteak beste, Coruñan, Bartzelonan, Madrilen eta Valentzian.
Sarrerak hurrengo asteartean, apirilaren 29an, jarriko dira salgai, 10:00etan, Fito & Fitipaldis taldearen webgune ofizialean, Live Nation promotoraren webgunean eta ticketmaster atarian.
