Oscarrak 2024
2. edizioa
'The Koskars' gaua antolatu dute Donostian
Erredakzioa
Ekitaldia Via Fora jatetxean izango da, eta sarrerak eskatzeko koskars@koskars.com helbide elektronikora mezu elektronikoa bidali behar da.
-
2012ko 'The Koskars' gaueko argazkia.
Oscarren gala ikusteko festa prestatu dute, Donostian. Urumea ibaiaren ondoan dagoen Via Fora jatetxean alfonbra gorria jarriko dute, eta gipuzkoarrek aurten ere zinemako sari ospetsuak banatzeko ekitaldia bertan ikusteko aukera izango dute.
'The Koskars' gauaren bigarren edizio honetan ere argazkiak ateratzeko txoko berezia izango da, eta moda aditu batek gonbidatuen soinekoak arretaz begiratuko ditu. Gainera, parte-hartzaileek Koskarretako kiniela bete beharko dute.
Festa goizeko 6ak arte luzatuko da, eta giroari eusteko hainbat lehiaketa eta zozketa egingo dituzte.
75 pertsonarentzako lekua bakarrik izango da aurten, eta, hortaz, antolatzaileek sarrerak lehenbailehen eskuratzea gomendatu dute.
Sarrerak (25 euro) koskar@koskars.com helbide elektronikoan eskatu behar dira (izen abizenak, NAN zenbakia eta telefonoa bidali behar dira).
Informazio gehiago, The Koskar ekitaldiaren Facebookeko profilean, Twitterren eta Koskars.com-en.
