Bilbon ere Oscarretako alfonbra gorria jarriko dute

AUX.magazine aldizkariak 10 urte bete ditu, eta, hori ospatzeko, Oscarren gaua zuzenean jarraitzeko festa antolatu du, AlhondigaBilbaoko Golem zinema aretoetan eta Campos Antzokian. Ekimena 22:30ean hasi eta goizeko seietan amaituko da.

Sarrerek 29 euro balio dute, eta Golem zinema aretoko azken emanaldira eta ondoren emango duten festara joateko aukera ematen dute. Campos Antzokian antolatu duten festa 23:59an hasiko da, eta alfonbra gorria eta photocall bat jarriko dute. Azken gonbidatuak iritsitakoan, afaria zerbitzatzen hasiko dira.

Gauerdian cava, krispetak eta kafea banatzen hasiko dira. Gainera, gauean zehar hainbat zozketa egingo dituzte.

Ekitaldiaren hasieran parte-hartzaileek kiniela bat beteko dute eta irabazle gehien asmatzen dituenak Pariserako bidaia bat (bi lagunentzat) irabaziko du.