'Lincoln' eta 'Argo', besteen aurretik Oscar sarietara begira

Oscar sariak igande gauean emango dituzte Los Angelesen: "Lincoln" da pelikula faboritoa, 12 sari jasotzeko hautagai baita. Steven Spielbergen lanak ditu hautagaitza gehien. Halere, "Argo" ere faboritoa da, "bakarrik" zazpi hautagaitza dituen arren, Bafta, SAG eta Urrezko Globoak sarietan irabazle suertatu baita.

Michael Haneke, Bemh Zeitlin, David O. Russel, Ang Lee eta Steven Spielberg lehian arituko dira zuzendari onenaren oscarra jasotzeko. Faboritoa Spielberg bada ere, ez litzateke harritzekoa izango saria Hanekek (Amour) edo Ang Leek (Piren bizitza) eskuratzea.

Ziur asko Daniel Day-Lewisek irabaziko du Gizonezko Aktore Onenaren Oscarra, otsailaren 24an egingo duten Oscarren galan. Bigarren Gizonezko Aktore Onenaren sariarekin, berriz, zalantza gehiago dituzte inkesta batean parte hartu duten estatubatuarrek.

Bost talentu arituko dira aurten Emakumezko Aktore Onenaren Oscarra irabazteko lehian. Akademiak Naomi Watts, Jessica Chastain, Jennifer Lawrence, Emmanuelle Riva eta 9 urterekin golardoen historian sail horretan izendatu duten emakumerik gazteena bilakatu den Quevenzane Wallis izendatu ditu aurten.

Quvenzhane Wallisek Emakumezko Aktore Onenaren Oscar sariaren hautagaitza lortu du eta 9 urterekin golardoen historian hautagaitza lortu duen aktorerik gazteena bilakatu da. Oscarren 85. edizioko ustekabe handiena izan da Hego basatiko piztiak pelikula eta Akademiak Wallisen interpretazio bikaina goraipatu du, baina zineman lanean hasi diren haurren bizitzari buruzko eztabaida berriz ere ireki du.

Abesti onenaren sarian, Adele aurtengo faboritoa da, baina lehiakide indartsuak izango dituzte britainiarrak eta "Skyfall" abestiaren egilea den Paul Epworthek. Oraingoz, artista britainiarra Urrezko Globoetan garaile izan zen. Akademiak, gainera, Adelek Oscarretan abestuko duela iragarri du.

Pedro Almodovarrekin eta Alex de la Iglesiarekin lan egiten du Paco Delgadok eta jantzi onenaren saria eskuratzeko hautagaien artean dago, "Los miserables"engatik.

Ekitaldiak 1.000 milioitik gora ikusle izango ditu 200 herrialde baino gehiagotan. Galaren ekoizleek hitzaldi "laburrak eta goxoak" eskatu dizkiete irabazleei.

Oscar 2013ko hautagaien zerrenda kontsulta ezazu.