Donostiak Dock Of The Bayrekin zita berreskuratu du

Dock Of The Bay jaialdiaren seigarren edizioa egingo dute igandera arte, Donostian. Ekimenak, gainera, musika dokumentalen zinemaren nazioarteko jaialdia bihurtu nahi du. Estatuko eta nazioarteko hamaika film lehiatuko dira eta beste bost erakutsiko dituzte, Trueba zinema aretoetan eta Antzoki Zaharrean.

Zinema emanaldi horiez gain, kontzertuak egingo dira bi eszenatoki horietan. Gainera, argazki erakusketa bat egingo dute eta emanaldiak eskainiko dituzte dira Forum Fnac gunean eta hiriko hainbat kultur zentrotan.

Dock Of The Bay QUALIAren ekimen bat da eta Donostian musika dokumentalen zinema eskaintzeko helburua du. Jaialadiak Donostiako Udalaren eta Gipuzkoako Foru Aldundiaren babesa du eta hiriko taldeek eta programatzaileek parte hartzen dute.

Dock Of The Bay nazioarteko jaialdia bihurtu da 2013an, genero mota horretan estatuko eta nazioarteko erreferente izateko asmoz. Hori dela eta, edizio honetan, hainbat film lehen aldiz emango dira jaialdian, horien zuzendariak eta teknikari taldeak aurkeztuko dituzte.

Dock Of The Bay jarraitzaile gehien dituen kultura gertakarietako bat bihurtu da Donostian, bai zine eskaintzagatik bai jaialdiaren inguruan antolatzen diren jarduerengatik.