Zinema
Saria
Unai Aranzadiren 'Jambo Amani', dokumental labur onena Houstonen
Houstongo nazioarteko zinemaldia munduko zinema-jaialdi independiente zaharrena da.
-
'Jambo Amani' filmaren fotograma. Argazkia: EiTB
Unai Aranzadi getxotarraren "Jambo Amani" dokumentalak (Getxoko Udalaren lankidetzarako sentsibilizaziorako diru-laguntza bat jaso zuen) dokumental labur onenaren zilarrezko Remi saria jaso du Houstongo nazioarteko zinemaldiaren 47. edizioan.
Udalak agiri batean jakinarazi duenez, munduko zinemaldi independiente zaharrena da Houstongoa. Getxotarra Berlingo Black Nazioarteko jaialdiaren XXIX. edizioan ere izan da.
Ordu erdiko iraupena du dokumentalak, eta Nazio Batuen programa bati esker Kongon biolentzia albo batera utzi duen talde baten gorabeherak azaltzen ditu. Iazko maiatzean aurkeztu zuen Getxon, eta mundu osoko 20 bat jaialditan izan da jada.
