‘Star Wars’ekin lotutako objektuen erakusketa Iruñean, abendutik aurrera

Iruñeko Baluarte jauregiak Expo-Warsen, ‘Star Wars’ zinema sagaren inguruko bilduma pribaturik handienetako baten, gaiak erakutsiko ditu abenduaren 5etik urtarrilaren 12ra.

Gaien artean, antolatzaileek azpimarratu dituzte Hans Soloren, Boba Fetten eta Darth Vaderren figura eta bustoen erreplikak, baita C3P0 eta R2D2 androideenak ere, azken hori, “bildumako erreplika garrantzitsuenetakoa”.

Metropoli George Lucasek sortutako unibertsoaren bildumazale taldearenak dira ikusgai jarriko dituzten objektuak, eta enperadorearen tronuaren eta ontzi ezagunenen erreplikak paratuko dituztela aurreratu dute, besteak beste, nola ez, Milurteko Belatzarena.

Horrez gain, laser ezpatak, sagako pertsonaia nagusien kaskoak, protagonisten jantzi homologatuak eta beste jarriko dituzte publikoaren eskura.

Iaz, BECen egitekoak izan ziren erakusketa, baina bertan behera utzi zuten publikoak ez baitzuen "aurreikusitako mailan" erantzun.