Publizitatea
Itxi

2020/02/03

13:22

Zinema

Britainiar zinemaren sariak

“1917” jaun eta jabe Bafta sarietan, zazpi garaikur bilduta

Agentziak | Erredakzioa

Sam Mendesen pelikulak film eta zuzendari onenen sariak jaso ditu, besteak beste. Aktore onenak Joaquin Phoenix eta Renée Zellweger izendatu dituzte britainiar zinemaren sarietan.

  • "1917"

    Besteak beste, film eta zuzendari onenaren sariak irabazi ditu "1917"k. Argazkia: Efe.

  • Whatsapp
  • Whatsapp
  • Telegram
  • Bidali

"1917" Sam Mendesen film belikoa izan da garaile nagusia bart, Bafta britainiar zinemaren sarien 73. edizioan, zazpi sari bildu baititu, tartean film eta zuzendari onenenak.

Film onenaren, zuzendari onenaren, britainiar film onenaren, soinu onenaren, argazkilaritza onenaren, ekoizpen diseinu onenaren eta efektu bisual onenen Baftak irabazi ditu "1917"k.

"Joker" filmak hiru sari jaso ditu, nahiz eta beste edozein filmek baino izendapen gehiago zituen: jatorrizko musika onena, casting onena eta gizonezko aktore onena (Joaquin Phoenix). Saria jasotzean, dibertsitatearen eta denetariko arrazetako aktoreak saritzearen aldeko aldarria egin du aktoreak.

Gaueko garaile nagusien zerrendako hurrengoa "Parasites" izan da. Ingelesa ez den beste hizkuntza bateko film onenaren eta gidoi onenaren saria jaso ditu.

"The Irishman"ek ez du saririk lortu, nahiz eta hamar izendapen zituen, eta "Once upon a time… in Hollywood"ek, izendapen kopuru berarekin, sari bakarra lortu du, Brad Pittek bigarren mailako gizonezko aktore onenaren sailean eramandakoa.

"Judy" Judy Garland aktoreari buruzko biopicak emakumezko aktore onenaren Bafta saria eman dio Renée Zellwegerri, eta "A marriage story"k sari bakarra jaso du, Laura Dernek bigarren mailako emakumezko aktore onenaren atalean jasotakoa.

"Jojo Rabbit", "For Sama", "Little women", "Bombshell" eta "Bait" filmek Bafta sari bana irabazi dute.

  • Hau zure interesekoa bada, baliteke beste gai hauek ere izatea:
  • Zinema
  • Kultura
  • Bisitatuena

      Kargatzen ikusiena
      Kargatzen ikusiena