Martxan da PreZinebi zikloaren laugarren edizioa

Erredakzioa

Azken eguneratzea: 2011/11/04 16:54 (UTC+1)

'Secuestrados', 'Señora de' eta 'Arriya' filmak eskainiko dituzte. Gainera, Zinebiexpress film labur lehiaketa ere egingo dute.

04:17

Whatsapp
Whatsapp
telegram
twitt
Bidali
Esteka kopiatu

Albisteak (2)

Bideoak (1)

EITB Kultura: 'Arriya'

Azaroaren 11tik 18ra bitartean izango da aurten Zinebi, zinema dokumentalaren eta film laburren Bilboko nazioarteko jaialdia. 53. edizioa du aurtengoa, eta, aurreko urteetan bezala, zinema jaialdia hasi aurretik PreZinebin bildutako jarduera programa zabala izango da Bizkaiko hiriburuan.

Ziklo honetan hainbat film luze eskainiko dituzte, tartean, 'Secuestrados' (Miguel Angel Vivas), 'Señora de' (Patricia Ferreira), eta 'Arriya' (Alberto Gorritiberea). Zinebiexpress 48 orduan egindako film laburren lehiaketaren laugarren edizioan parte hartzeko aukera egongo da.

Laugarren urtez jarraian, Euskadiko ikus-entzunezkoen sektorean lan egiten duten erakundeek, taldeek, elkarte profesionalek eta prestakuntza zentroek hartuko dute parte ekimenean.

Programazioa Campos Eliseos Antzokiko Ganga Aretoan eta Bilboko Zabalgune Eraikinean egingo da, eta Bilborock aretora ere helduko da jaialdia, azken jaia bertan ospatzeko.

Amaiera ekitaldi mexikarra

Caostica elkarteak antolatuko du aurten ere PreZinebiren bukaera ekitaldia, eta, oraingoan, 'La Santa Fiesta Calavera' izeneko jai mexikarra egingo dute. Azaroaren 11n izango da, 22:00etatik aurrera, Bilborock aretoan.

PREZINEBI 2011: PROGRAMAZIOA

Ostirala, azaroak 4
20.00etan. Miguel Ángel Vivasen 'Secuestrados' filmaren emanaldia (Espainia, 2010), eta ondoren topaketa zuzendariarekin. Lekua: Campos Antzokiko Ganga Aretoa.

Larunbata, azaroak 5
20.00etan. Patricia Ferreiraren 'Señora De' filmaren emanaldia (Espainia, 2010), eta ondoren topaketa zuzendariarekin. Lekua: Campos Antzokiko Ganga Aretoa.

Astelehena, azaroak 7
20.00etan. Zinema Eskolen Erakusketa (Gizarte eta Komunikazio Zientzien Fakultatea eta Erandioko Tartanga Institutua). Lekua: Zabalgune Eraikineko Ataria.

Asteartea, azaroak 8
20.00etan. Alberto Gorritiberearen 'Arriya' filmaren emanaldia (Euskadi, 2011). Iñigo Muguruza & Lurraren kontzertua. Lekua: Zabalgune Eraikineko Ataria.

Asteazkena, azaroak 9
20.00etan. Zinema Eskolen Erakusketa (Arte Ederren Fakultatea, Kinema eta Ánima Eskola). Lekua: Zabalgune Eraikineko Ataria.

Osteguna, azaroak 10
20.00etan. ZINEBIEXPRESS lehiaketako sari banaketa eta film labur irabazleen emanaldia. Lekua: Zabalgune Eraikineko Ataria.

Ostirala, azaroak 11
22.00etan. La Santa Fiesta Calavera. Lekua: Bilborock