Zinema
Zinemaldia
Zinebik Xabier Elorriaga eta Liliana Canavi omenduko ditu
Erredakzioa
3.000 film jaso dituzte, eta 73 aukeratu dituzte Sail Ofizialerako. Horietatik 11 Euskal Herrikoak dira.
Zinebi zinema dokumentalaren eta film laburren Bilboko nazioarteko jaialdiak Xabier Elorriaga aktorea eta Liliana Canavi zuzendaria omenduko ditu aurten. Bilboko jaialdiaren Ohorezko Mikeldi saria jasoko dute Elorriagak eta Canavik Arriaga Antzokian egingo dituzten hasiera eta amaiera ekitaldietan. Aurten, estreinakoz, emanaldi eta jarduera gehienak Golem zinema-aretoetan eta Alondegiko auditorio nagusian egingo dituzte.
Azaroaren 11tik 18ra bitartean izango da Zinebi 53, eta, heldu diren 3.000 filmetatik 73 aukeratu dituzte Sail Ofizialean lehiatzeko. Horien artean 11 Euskal Herrikoak dira. Gainera, eta ohikoa denez, hainbat film ikusteko aukera emango dute zinemaldiko sailek. Aipatzekoak dira Luc Moullet zuzendari frantsesari eta Masao Adachi japoniarrari eskainitako zikloak. Era berean, Palestinako zinema iraultzaileak sail berezia izango du, handik kanpo nekez ikusten diren filmak erakusteko.
Jon Garaño eta Haritz Zubillaga, euskal ordezkaritzan
Euskal zinemaren atalean, honako lan hauek aukeratu dira lehiaketarako:
'Muy cerca', Iván Caso (fikzioa).
'Errudun sentitzen naiz', Roberto Castón (fikzioa).
'Por los camareros', Javier Etxaniz eta Gregorio Muro (fikzioa).
'La casa del lago', Galder Gaztelu-Urrutia (fikzioa).
'December', José Muniain (fikzioa).
'Agujero', Roberto San Sebastián (fikzioa).
'Una última bala', Jon Aitz Urrutxi (fikzioa).
'Cuatro estaciones (4)', Niko Vázquez (fikzioa).
'She’s Lost Control', Haritz Zubillaga (fikzioa).
'Urrezko eraztuna', Jon Garaño (dokumentala).
'Zeinek gehiago iraun', Gregorio Muro (animazioa).
10 lan, Estatu mailako ordezkaritzan
Estatuko hautagaietatik, honako film hauek aukeratu dituzte:
'La migala', Jaime Dezcallar (fikzioa).
'Matador on the Road', Alexis Morante (fikzioa).
'Circus', Pablo Remón (fikzioa).
'Dicen', Alaúda Ruiz de Azúa (fikzioa).
'La última secuencia', Arturo Ruiz Serrano (fikzioa).
'Leyenda', Pau Teixidor (fikzioa).
'La mujer del hatillo gris', Luis Trapiello (fikzioa).
'Coptos', Álvaro Sau (dokumentala).
'La cosa en la esquina', Zoe Berriatúa (animazioa).
'Evacuación', Colectivo Los Hijos (animazioa).
