EAEko herritarrek 20,51 euroko gastua egingo dute Erregetako loterian

EAEko herritarrek 20,51 euroko gastua egingo dute batez beste Erregetako loterian.

Espainiako Loteria eta Apostuen erakundeak (LAE) azaldu duenez, Euskadin 224.735 loteria-txartel salerosi dituzte urtarrilaren 6rako; 44,9 milioi euro, guztira.

Oro har, loteria salmenta igo egin da aurten. Izan ere, iaz 216.162 txartel salerosi zituzten; 43,2 milioi euro.

Lurraldeka, Bizkaian egin dute herritarrek gastu handiena: 25,18 euro, batez beste. Ondoren Araba (16,29 euro) eta Gipuzkoa (14,84 euro) daude.

Datu horiekin, EAE hirugarrena da Espainiako Estatuan gastu handiena egin duten erkidegoen artean. Asturias (23,37 euro) eta Gaztela eta Leon (22,75) baino ez daude aurretik.

Erregetako loteriak 37.920 sari zozkatuko ditu. Lehen sariak 80 milioi euro banatuko ditu (bi milioi serie bakoitzeko), bigarrenak 30 milioi euro (750.000 euro serie bakoitzeko) eta, hirugarrenak, 10 milioi (250.000 serie bakoitzeko).