Zabalik dago Radio Euskadiko 4. Bakarrizketa Lehiaketan izena emateko epea

Laugarren urtez jarraian, Radio Euskadik Umorezko Bakarrizketa Lehiaketa jarri du martxan. Lanak jasotzeko epea martxoak 10ean zabaldu zen, eta apirilaren 30a arte egongo da zabalik.

Maiatzean zehar, aukeratutako bakarrizketak entzuteko aukera izango da Radio Euskadiko "Graffiti" saioan, final handirako hautaketa prozesuan.

Entzuleek gustukoen duten bakarrizketa aukeratu ahalko dute, eitb.eus-en botoa emanda. Entzuleek aukeratutako lana zuzenean sartuko da finalera, eta 500 euro irabaziko ditu.

Ekainean egingo da final handia, programa berezi batekin. Bertan, epaimahaiak aukeratutako bakarrizketak eta entzuleek aukeratutakoa lehiatuko dira. 2.000 euroko saria izango dute jokoan.