Espainiako kongresuan aldibereko euskarazko lehen itzulpena Itziar Mendizabalek egin zuen 2023ko irailaren 19an. Dioenez, tentsio puntu bat egon zen egun hartan, baina ilusio berezi bat ere sentitu zuen. Interpreteen lanaren xehetasunak azaldu dizkigu. Sekulako kontzentrazioa eskatzen du lanak.

Idatzizko itzulpengintzan eskarmentu handia du Iñaki Mendigurenek; EIZIE elkarteko ohorezko bazkidea da. Berak itzuli ditu, besteak beste, 'Harry Potter'ren liburu guztiak; 3.700 orrialde eta 10 urte. Dioenez, itzulpen literarioetatik bakarrik bizitzea ezinezkoa da, bestelakoak ere egin behar dira.

Bergarako Jardun euskara elkarteak eta Goiena komunikazio taldeak "Algaraka" umorezko bakarrizketa lehiaketa antolatu dute EITBrekin elkarlanean. Oihane Agirrek azaldu digunez, euskarak merezi zuen formatu honetan lekua; apirilaren 19ra arte eman daiteke izena. Primeranen izango da ikusgai.

Kirol arloko EBETE proiektua aurkeztu digu Markel Barojak, proiektuaren arduradunak. Kirolaren bitartez euskararen sustapenean lan egiten dute; horretarako erabiltzen dituzten ekintza desberdinei buruz hitz egin digu Markel Barojak, adibidez, 'Hitzez jolastu' izeneko dinamikari buruz.

Ingurune digitalean euskararen erabilera indartzea du helburu ekimenak. Gaia librea da, eta Memeka plataformaren bidez sortu behar dira. Hilaren 21era arte egongo da deialdia irekita, eta onenak 200 euro jasoko ditu.

Manex Agirrek txapelketak uztea erabaki du eta Arabako txapelketaren finalean iragarri zuen bere agurra. Bertsolariak birritan irabazi izan du Arabako bertsolari txapelketa; "Biba Zuek"en bere ibilbideari buruz hitz egin digu.

2014an eman zituen lehen urratsak .EUS domeinuak eta 15.000 erregistro izatera heldu da. 10 urteren buruan domeinuak osasun paregabea izaten jarraitzen duela adierazi du PuntuEus Fundazioaren zuzendari Josu Waliñok.

Euskara mundu zabalean dabilela argi utzi du saltzaile ibiltari senegaldar honek. Cadizen turismoa egitera doazen euskaldunei esker ikasi du euskara, eta gaur Sevillan dago, Kopako finala dela eta, Athleticeko kamisetak eta eskumuturrak saltzen.

EAJko eta EH Bilduko ordezkariak bildu dira gaur, Aberri Egunaren bezperan, Bilbon Euskal Herria Batera plataformak deitutako ekitaldian, eta sindikatu, gizarte eta kultura munduko pertsona ezagunek ere hartu dute parte. Euskal naziotasuna eta izaera aldarrikatu dituzte bertan.

Dena dela, Korrikan presoen argazkien "akelarrean" parte hartu zutenak kritikatu ditu PPko bozeramaileak.

Korrikak izan duen oihartzunari buruz hitz egin dugu Ane Elordirekin, Korrikako koordinatzailearekin. Oraindik balorazioak egiteko goiz izan arren, aurreikuspen positiboak dituztela azaldu digu: aurtengo Korrika inoizko korrikarik jendetsuena bihurtu daiteke.

Aurreikuspen onenak gainditu ditu 23. Korrikak. "Herria harro egoteko modukoa" izan da aurtengo Korrika, AEK-ko antolatzaileen hitzetan. "Euskararen aldeko kontzientziak astintzea" lortu da, "herri-gogoa hauspotzea".

Euripean, eguzkipean, lainopean, egunez nahiz gauez. Airez, lurrez, motorrez, oinez zein gurpildun aulkiz. Nolanahi ere, Korrikak ez du etenik izan azken 11 egunotan. Hona hemen Korrikaren 23. edizioaren laburpena.

Baionako amaiera-ekitaldian lekukoaren mezua irakurri ostean, dantzan hasi dira AEK-ko kideak eta Korrikaren berri ematen ibili diren kazetariak.

Garazi Arrula idazle, editore eta itzultzaile tafallarrak idatzi du Korrikaren aurtengo mezua, eta berak irakurri du jendaurrean igandean Baionan, Korrikaren amaiera-ekitaldian.

Euskal Hirigune Elkargoaren presidenteak Korrikaren lekukoa jaso du Baionan bertan, Korrika amaitzeko minutu batzuk falta zirenean.

Larunbat honetan igaro da 23. Korrika Donostiatik, eta Kontxako etorbidean, emozio betean, Gazteako kideek eta Aitziber Grados eta Malen Altuna EITBren Benetan Zabiz podcastaren ahotsek eraman dute lekukoa EITBren izenean.

18:00ak pasatxo zirenean heldu da lekukoa Donostiara, Martutenetik sartuta, eta 22:30era arte egingo du Gipuzkoako kaleetan barrena zeharkaldia euskararen aldeko lasterketak.

Korrikaren 10. egunean, Goierriko hainbat herritatik igaroko da Korrika, eta 18:00ak pasatxo direnean iritsiko da Donostiara.

Lorea Intxausti Barakaldoko Korrika Txikian izan da. Haurren gogoaren eta ilusioaren testigu, korrika eta dantza egin du haiekin batera. Barakaldo euskalduntzeko irakasleen lana goraipatu du bide batez.

Jendetza bildu da Barakaldon, Arrandi kalean, Korrika noiz iritsiko zain. Komeriak izan ditu Joseba Olagaraik zuzenekoa egiteko, haurrek inguratu baitute. Azkenean lortu du Ziortza Villa iraupen luzeko txirrindularia elkarrizketatzea: "Korrika kirola, hizkuntza eta kultura da, batzen gaituena", dio.

Ismaelek, Noemik eta Xabierrek Anix proiektua martxan jarri nahi dute. Gazteen artean euskara sustatutzea du helburu ekimenak.

Ordu erdiko atzerapenarekin iritsi da Korrika Bilbora.

Korrika Gasteizera iritsi zeneko irudiek zirrara eragin die sofakideei, baina are gehiago 17. edizioko amaierako mezuak. Kike Amonarrizek eta Ilaski Serranok irakurri zuten orduan, emozioz beterik eta malkoei ezin eutsirik. Haien larruan jarri dira saio honetako sofakide ezagunak.