Kantariak

Izaro Andres musikaria "Biba Zuek!" saioan izan da 'cerodenero' bere disko berria primizian aurkezten. Dioenez, aurre-eskaerak egin daitezke astearte honetatik aurrera, eta Durangoko Azokan egongo da fisikoki salgai lehenengoz.

Bere jatorrizko Irlandan, gaur egin diote azken agur jendetsua Sinead O'Connor musikariari. Dublin hegoaldeko Bray herrian izan da, musikariak 15 urte eman zituen kostaldeko herrian.

1878an, Euskal Herriko kostan harrapatutako azken-aurreko balea arrantzatu zuten, eta getariarren eta zarauztarren artean hika-mika sortu zen. Orduan gertatutakoak biltzen ditu "Zarauzko Balearenak" abestiak, eta kantaren bertsio berria egin dute "SOS Kantak Arriskuan" saioan.

Betizu Taldearen "Lokaleko leihotik" kanta Euskal Herriko gazte askoren bihotzetan dago, eta oraindik askotan eskatzen diete abesteko Zuriñe Hidalgori eta Telmo Idigorasi. Dena den, oraindik ez dago Spotifyra igota. EITBrenak al dira eskubideak?

25 urteko gazte tolosarra da Andrea Vitoria, eta bortxaketa bat jasandakoa. Bortxatzailea ezaguna da herrian, familia onekoa eta "tipo normala". Ondorioz, salaketa eta erasoa zalantzan jarri dituzte Andrearen ingurukoek.

Rakel Arenaza "Raitx" bakarlari errenteriarrak dioenez, letrari, ahotsari eta melodiari ematen die garrantzia; gitarra lagungarri bezala dauka. Koban taldean ibili eta ama izan ostean, berriz ere bakarlari bezala ekiteko gogoa dauka. "Flores" kanta eskaini digu zuzenean.

Tina Turner abeslari eta aktorea zendu da, 83 urte zituela, Suitzako Küsnacht herrian zuen etxean, gaixotasun baten ondorioz, haren familiak baieztatu duenez.

Amaiur Azkarate musikariak Insömnia musika taldea aurkeztu digu Leire Martinezen atalean. Pandemia garaian osatu zuten laukotea, eta bi disko eta EP bat kaleratu dituzte. "Argiak gara" azken diskoko kantarik bereziena zuzenean eskaini digute "Biba Zuek!" saioan.

Haurtzaroa eta nerabezaroa izan dira 'Korapiloak' ataleko gaiak. Horiek lantzeko, Leire Martinezekin, 'La Oreja de Van Gogh' musika taldeko abeslariarekin eta saioko kolaboratzailearekin izan da Iñigo Antsorregi.

Zuzenean, bere gitarraren doinuen laguntzarekin, "Inor begira izanda ere" kanta eskaini digu Miren Narbaiza MICEk "Ta Bihar Zer?" saioan zuzenean. 'Lautada' diskoaren kantuetako bat da Narbaizak abestu diguna.

Shakirak Bizarrapekin ateratako kanta eta Miley Cyrusen "Flowers" ardatz hartuta, euskal artistek sortutako desamodiozko abestiak izan ditu hizpide Marina Landak. Kantuen mezuez eta artisten publikotasunaz eta pribatutasunaz aritu da.

The Spolem Girls laukote donostiarra aurkeztu digu Leire Martinezek "Biba Zuek!" saioan. 60ko hamarkadako kantak abesten dituzte garai haietan egiten zuten erara, eta erakustaldia egin dute zuzenean. Sara Grajalek, Natalie Keskinek, Nahiari Berasategik eta Amaia Garrizek osatzen dute taldea.

"Arima du" kanta eskaini du zuzenean Arima Soul laukoteak "Hitzokei" saioan. Taldearen izen bereko diskoa aurkezten izan dira, eta hemen ikusi dezakezu Urko Aristik Mikel Makalari eta Lidia Insaustiri egin dien elkarrizketa.

Qatarrek giza-eskubideak errespetatu ez izateak kezka eragiten ote dion galdetu dio Israelgo kazetari batek. Orduan, abeslari kolonbiarrak "zakar" deitu dio eta hortik joan da. Qatarreko Mundialaren Fan Zonean kontzertua eskaini du Malumak. @kann_news-ren bideoa. 

Asko dira ezetz esan diotenak giza eskubideak urratzen dituen Erregimen batek antolatzen duen ekitaldi handian parte hartzeari.

Arima Soul taldearen ibilbideaz eta izen bereko diskoaz aritu dira Lidia Insausti eta Mikel Makala "Biba Zuek!" saioan. Soul, blues, jazz eta funk generoak biltzen ditu taldeak euskaraz abestuta.

"Gu andereak" kanta zuzenean eskaini du Arima Soul taldeak "Biba Zuek!" saioan. Erritmo dantzagarriak eskaini dizkigute Lidia Insaustik, Mikel Makalak, Paul San Martinek eta Gorka Gaztanbidek.

'Hitzekin jolasean' bere lehen bakarkako lana aurkeztu du Esti Markezek. Pop estiloa landu du batez ere, eta Alaia eta Jon Martinek lagundu diote hitzekin. Maitasunaz, indarkeria matxistaz, errefuxiatuez eta osasun mentalaz hitz egiten du diskoan, besteak beste. Iker Laurobak lagundu dio ekoizten.

The Velvet Underground taldearen "Femme Fatale" abestiaren bertsio ederra eskaini dute Belako laukoteko Cris Lizarragak eta Josu Ximun Billelabeitiak "Vikingak" saioan.

Zarauzko kanpinean, Dupla bikoteko kideekin egin dute topo vikingek. Aguraindarrek "Kontraesanak" abestia eskaini diete vikingei eta kanpinean ostatu hartuta dauden lagunei.

Jurgi Ekiza Willis Drummond taldeko abeslariarekin egin dute topo vikingek. "Joan ikustera" kantaren bertsio ederra eskaini die Baionako musikariak bere gitarraren doinuekin lagunduta.

Modus Operandi taldearen ibilbideaz aritu da Iñaki Ortiz de Villalba abeslaria. Dioenez, taldearen bigarren diskoa orain ari dira herrietan aurkezten, eta uda oparoa izaten ari dira. Betagarri taldeaz ere aritu da: 25 urteko ibilbidean 1.050 kontzertu eman zituzten.

Dientes de luna talde gernikarreko Aimar Cid "Edozein Herriko..." saioan izan da zuzenean "Marea" kanta abesten. Bere gitarraren doinuarekin lagundu du balada.

Euskal rockaren aitzindaria da Niko Etxart 70eko hamarkadan musika sortzen hasi zenetik. Bere hastapenak eta ibilbide oparoa izan ditu hizpide "Biba Zuek!" saioan. Rockaren egungo egoeraz eta gazteek egiten duten musikaz ere aritu da.

1969an Niko Etxartek sortutako kanta eskaini dute Etxartek berak eta Maddalen Arzallusek, zuzenean, euskal rockaren aitzindariaren gitarraren musikak lagunduta. Askorentzat, euskal rockaren ereserkia da.

Andoni Ollokiegirentzat errebeldia eta inkonformismoa errepresentatzen ditu rockak. Bere ametsa da musikatik bizitzea, eta ahalegin horretan ari da. Rockzale amorratua da El quinto con tenedor eta El club de los poetas tuertos taldeetako abeslaria.

Zarama taldeaz eta euskal rockaren egungo egoeraz aritu da Roberto Moso "Biba Zuek!" saioan. Dioenez, gazteenek ez dituzte ezagutzen Zaramaren kantarik rockeroenak; " Iñaki, zer urrun dago Kamerun?" eta "Txatxo" ezagutzen dituzte, batez ere. Niko Etxart euskal rockaren aitzindaria miresten du.

Kilimak runba taldearen sorreraz, diskoaz eta arrakastaz aritu dira Ione Zozaya eta Agus Garmendia kideak "Biba Zuek!" saioan. 'Euskal Herriko runba' izenean dantza egiteko musika bildu dute, hainbat mezurekin eta hitz gogoraerrazekin. Diotenez, zuzenean ikusten da taldearen benetako esentzia.

"Burrunba" Euskal Herriko runba zuzenean eskaini dute Kilimak taldeko lau kidek "Biba Zuek!" saioan, eta mundu guztia dantzan jarri dute.

Maialen Gurbindoren alter ego-a da Chica Sobresalto. Bi nortasun horiei, bere kantei eta taldekideei buruz galdetu dio Ilaski Serranok elkarrizketa honetan.

Kilimak Hernaniko taldeko Ione Zozayak eta Agus Garmendiak "Burrunba" eta "Gatza" abestiak eskaini dituzte, zuzenean, "Edozein Herriko..." saioan. Runba musika euskaraz egiten du taldeak.

1995ean, "Ibilaldia" saioan Maurizia, Leon eta Basilio ikusi genituen "Begira nago begira" abesten. Urte batzuk lehenago hil zen Maurizia Aldeiturriaga pandero jotzaile eta abeslaria, eta euskal musikari askoren erreferentea da.

'Haitzetan 1997-2022' edizio berezia argitaratu du Mikel Urdangarinek 'Haitzetan' bere lehen diskoaren 25. urteurrena ospatzeko. Bertan, "Su ñimiño bat" kanta berria ere badago. Bere ibilbide oparoaz eta hurrengo kontzertuez aritu da musikaria Ilaski Serranorekin.

"Parke bat" abestiari Jon Garmendia "Txuria"k jarri dizkio hitzak eta, Marenek, ahotsa. Super H elkarteari laguntzeko sortutako kanta da. Bideoklipa ikusi dugu "Biba Zuek!" saioan.

Leire Martinezek bi artista gazte aurkeztu dizkigu: Ainhoa Urteaga eta Aitzol Ibarloza. Unibertsitatean ezagutu zuten elkar, eta batera musika sortzen hasi ziren. "Hire irriarekin" kanta eskaini dute zuzenean, teklatuaren eta gitarraren doinuek lagunduta.

'Maitia' bere lan berriena aurkeztu du Kai Nakaik "Biba Zuek!" saioan. Dioenez, maitasun istorio bat kontatu du bertan 5 abestitan eta Kolonbian ekoiztu du. Gehienbat reggaetoia nagusi duen arren, disko musikarekin ere uztartu du.