'El Conquistador' saioaren lehen atala, lider

'El Conquistador del Fin del Mundo' saioaren bederatzigarren edizioko lehen atalak  %20,5ko audientzia zatia eskuratu zuen atzo eta eguneko saiorik ikusiena izan zen.   Atala,  181.000 ikus-entzulek ikusi zuten, bataz beste, EAEn eta eragin esparruan, eta 414.000 izan ziren saioarekin uneren batean bat egin zuten lagunak.

 Trending Topic

Jarraipen zabala izan zuen sarean ere 'El Conquistador del Fin del mundo' saioak.  Nielsen Online, audientziak neurtzen dituen enpresaren arabera 20.000 orrialde ikusi izan zituen. Halaber, 3conquis etiketa Trending Topic, momentuk gai komentatuena, izan zen. Twitterren saioa amaitu zenean, eitb.com-en elkarrizketa eta aipuak etengabe publikatu ziren. 1.000 tuit eta 500 komentario argitaratu zituzten Facebook-en.

 Pilota emanaldia, ikusiena bere ordutegian

 Bestalde, ETB-1en emandako eskuz binakako txapelketako pilota partida lider izan zen bere ordutegian %14,7ko audientziarekin. Bengoetxe-Beroiz bikoteak Irujo-Zabaleta bikotearen aurka jokatutako neurketak 104.000 ikus-entzule izan zituen, bataz beste, eta 221.000 laguneko audientzia metatua.