Xala-Barriola/Bengoetxea VI-Beroiz, zuzenean, ETB-1en eta eitb.com-en

Binakako Txapelketako bosgarren jardunaldiaren barruan, igandean Eibarren jokatuko den Xala-Barriola / Bengoetxea VI-Beroiz neurketa zuzenean eskainiko dute ETB-1ek eta eitb.com-ek. Jaialdia bostetan hasiko da Jaunarena-Pascual / Ezkurdia-Laskurain norgehiagokarekin. Emanaldiaren kontakizuna Xabier Euzkitzek, Joxan Tolosak eta Elena Azpeitiak egingo dute.

Goizean, 12:00etan, ohi denez, Endesa Ligaren tartea zabalduko dute. Caja Laboral eta Cai Zaragoza taldeen arteko partidaren ingurukoak Asier Arangurenek, Josean Aldalurrek eta Juan de la Vegak kontatuko dituzte ETB-1en eta eitb.com-en.

16:00etan, herri kirolen txanda izango da ETB-1en. Koldo Aldalurrek eta Jose Etxebestek goizean Donezteben jokatutako aizkolarien binakako Eusko Label Sariaren berri emango dute.

Amaitzeko, Mikel Olazabalek eta kirol erredakzioko kazetariek futbol jardunaldiak emandakoak bilduko dituzte 'Gol Festa' saioan, 19:30etik aurrera.