Jose Breton ustezko hiltzailearen buruan barrena, astearteko 'Forum'en

Asteartean, Jose Breton Kordobako umeen hilketaren ustezko errudunaren pentsaera eta jokaeretan barrena murgilduko da ETB-2ko 'Forum' elkarrizketa saioa, Pedro Hernandez-Guanir psikologia katedradunaren eskutik. Argitaratu berri duen Los pasadizos secretos de la mente liburuaren karietara elkarrizketatuko du Begoña Zubietak. Bertan, ustezko hiltzailearen psikologiaren oinarriak adierazten ditu egileak. Emaztearen gaineko mendekua hartzeko erre omen zituen Bretonek seme-alaben gorputzak.

'Forum' astearte honetan emitituko da goizeko 08:00etatik aurrera ETB-2n.