Bakartxo Ruiz EH Bilduko nafar parlamentaria, 'Azpimarra +' saioan

Astearteroko hitzorduari jarraituz, 23:20ean 'Azpimarra +' saioa izango da ikusgai ETB-1en. Aste honetako Bakartxo Ruiz EH Bilduren Nafarroako parlamentaria izango du gonbidatu Maddalen Iriartek.

Nafarroaren inguruan egindako diagnostiko baten datu kaleratzea egin dute asteburuan, Nafarroak lehenbailehen aldaketa behar duela ondorioztatu duen azterketa. Gai horri helduko diote solasaldian: Nafarroaren egoera, ustezko ustelkeria kasuak, alderdi sozialista jokatzen ari den papera eta abar.

Elkarrizketaren ildo nagusiei eta aktualitatearen ardatzei azpimarra jartzera, Gaizka Aranguren, Juan Kruz Lakasta eta Aintzane Ezenarro bilduko dira mahaiaren bueltan.