telebista
22:15ean
Bertso-derbia, gaur ETB-1en
A.A.
EITB
Bilbon hiru bertsolari zurigorrien eta beste hiru txuri-urdinen arteko lehia jokatu zen atzo. ETB-1en gaur gauean izango da ikusgai.
Bideoak (1)
Athletic-Real futbol partidaren karietara antolatutako bertso-derbia eskainiko du ETB-1ek gaur. Ordutegi nagusian izango da ikusgai, 22:15ean. Bi taldeen arteko derbian sortzen den giroa bertsolaritzara eraman nahi duen ekimena da Bertsoderbia.
Hiru bertsolari zurigorriren eta hiru txuriurdinen arteko lehia da. Talde bakoitzak klubek izendatutako kapitaina izango dute, eta beste bi bertsolariak herritarrek aukeratu dituzte, talde bien, web site eta sare sozialetan. Athletic taldeko kapitaina Anjel Mari Peñagarikano izango da eta bere taldekideak Jone Uria eta Oihana Bartra. Realeko kapitaina Andoni Egaña izango da, eta taldekideak Maialen Lujanbio eta Amets Arzallus.
