telebista
Emanadi berezia gaur
Korrontzi eta Oinkariren 'Infernuko hauspoa' ikuskizuna, ETB-1en
A.H.
EITB
Musika tradizionala eta dantza garaikidea uztartzen dituen ikuskizuna eskainiko du Euskal Telebistak.
Gaur, Korrontzi taldeak azken hiru urteetan zehar mundu osotik erakutsi duen gure herriko ohituren zati bat ezagutzeko aukera emango du Euskal Telebistak. Izan ere, 2010ean Infernuko hauspoa jaio zenetik, Korrontzik ehun kontzertu baino gehiago eman ditu Oinkari dantza taldearen laguntzaz, eta ikuskizun honen emanaldia eskainiko du ETB-1ek 22:45etik aurrera.
Musika tradizionala eta dantza garaikidea uztartzen dituen ikuskizunak izugarrizko arrakasta izan du herri, plaza, jaialdi eta antzoki ezberdinetan. Hori dela eta, mundu osoan zehar ibili dira: Brasil, Cabo Verde, Alemania, Belgika, Holanda, Portugal, Frantzia, Italia eta Kroazian izan dira, besteak beste.
