telebista
Bertsolaritza
Nafarroako Bertsolari Txapelketaren finala ikusgai gaur gauean
A.E.
EiTB
eitb.com-ek zuzenean emango du eta ETB-1en berriz, 22:00etan izango da ikusgai finalean jazotako guztia.
Nafarroako Bertsolari Txapelketaren finala izango da ikusgai gaur, eitb.com-en zuzenean emango dute 17:00etatik aurrera eta ETB-1n gauean eskainiko da finala, 22:00etan.
Zortzi bertsolari izango dira larunbatean Nafarroako Bertsolari Txapelketako finalean. Julio Soto, Xabier Silveira, Aimar Karrika, Erika Lagoma, Jon Barberena, Eneko Lazkoz, Eneko Fernandez eta Oskar Estanga izango dira nor baino nor Iruñeko Anaitasuna polikiroldegian,
Otsailaren 2an Lizarran hasi zuen ibilbidea Bertsolari Txapelketak. 31 izan ziren Nafarroako Bertsolari Txapelketa hasi zuten bertsolariak eta horietatik arestian aipatutako zortziak igoko dira larunbatean oholtzara. Horietatik aterako da Nafarroako txapelduna. Horrez gain, finaleko lehen lau sailkatuek udazkenean jokatu den Bertsolari Txapelketa Nagusirako txartela lortuko dute.
Orain dela bi urteko finalarekin alderatuta, hiru bertsolari berri izango ditu Anaitasunako finalak: Erika Lagoma, Aimar Karrika eta Eneko Fernandez.
