telebista
Apirilak 6
Gozategi All Stars, gaur gauean, ETB-1en
A.A.
EiTB
Musika taldearen 20 urtetako kanta bildumaz gozatzeko aukera.
Bideoak (1)
"Gozategi All Stars" emanaldi berezia prestatu du ETB-1ek gaur gauerako, 22:45ean. Euskal musika talde ezagunak argitaratu duen azken diskoaren karietara, 20 urteko ibilbidean arrakastarik gehien izan duten kantez gozatzeko aukera izango dute ikus-entzuleek. Halaber, taldearekin egindako elkarrizketak ere berreskuratuko dituzte.
Gozategi duela 20 urte aire berritzaile eta iraultzailearekin sortutako taldea da. 94an maketa bat grabatu zuten eurek sortutako kantuekin. Tartean aski ezaguna egin zen "Nor nori nork".
Luzaroan irautea zen euren asmoa baina ez zuten uste 20 urte beteko zituztenik. Hogei urte elkarrekin eta sei disko kaleratuta, taldeak lanean jarraitzen du. Urtemuga ospatzeko, taldeak bere buruari oparitzen dion bilduma da All Stars. Bere abesti ezagunenak birgrabatu ditu Mikel Irazokiren zuzendaritzapean.
