telebista
Larunbatean
Romandiako Itzuliko 4. etapa, zuzenean, ETBKn eta eitb.com-en
A.A.
EiTB
Bigarren B Mailako Barakaldo-Bilbao Athletic eta Endesa Ligako Lagun Aro GBC-Blusens Mombus zuzenean eskainiko dira ETB-1en.
Larunbatean jokatuko den Romandiako Itzuliko 4. etapa ETBKn eta eitb.com-en izango da ikusgai zuzenean, 16:20etik aurrera. Etapa nagusia dute, Marly eta Les Diablerets artean. Alfontso Arroiok eta Xabier Usabiagak egingo dute kontakizuna.
ETB-1en zuzeneko beste bi emanaldi izango dituzte: 16:15ean, Bigarren B Mailako futbola, Barakaldo-Bilbao Athletic, Xabier Andueza, Juanan Larrañaga eta Joseba Urkiolaren eskutik; 19:15ean, Endesa Ligako saskibaloi neurketa, Lagun Aro GBC-Blusens Mombus, Asier Aranguren, Josean Aldalur eta Juan de la Vegarekin. Biak internet bidez ere jarraitu ahal izango dira eitb.com-en.
Bestalde, 18:00etan, ETBKn, Rios Renovables-Arenas Galdar areto futbol partidaren berri emango dute Xabier Anduezak eta Juanma Ordozgoitik, eta 22:30ean, Munduko Pala Txapelketako 3. eta 4. postuak erabakitzeko partida izango da ikusgai: Lujan-Imanol. Iñigo Aiestaranek egingo ditu esatari lanak Mikel Aierbe lagun duela.
