albistea
Africa Baetarekin
'Tu edificio favorito' saioa prestatzen ari da ETB
Jon Sistiagak, Juanma Bajo Ulloak, Elena Arzakek, Javier Clementek eta Martin Berasateguik, besteak beste, Euskal Herriko eraikin adierazgarrienak aurkeztuko dizkigute.
ETB Africa Baetak aurkeztuko duen "Tu edificio favorito" saioa prestatzen ari da. 24 pertsonaia ospetsuk Euskal Herriko eraikin adierazgarrienak erakutsiko dizkigute.
Gromaz ekoiztetxearen eskutik, "Tu plato favorito" saio arrakastatsuaren lantalde berdinak egingo du 'Tu Edificio Favorito'. Lehen, euskal gastronomiako jaki ezberdinak erakutsi zituzten; orain, berriz, Euskal Herriko eraikin gustukoenak defendatuko dituzte kameren aurrean.
Gure lurraldeko arkitektura modu desberdin batean ezagutzeko aukera izango dugu. Gure protagonistek, adituekin batera, eraikin bakoitzaren ezaugarriak erakutsiko dizkigute.
Emankizun bakoitzean, hiru parte-hartzailek eraikin bana aurkeztuko dute, eta ikusleek saioko onena hautatu beharko dute.
Kursaala, Arriaga Antzokia, Bodega Marques de Riscal hotela, Hondarribiko paradorea, Tudelako katedrala, Guggenheima, Gasteizko katedrala, ... Guztira 24 eraikin. Juanma Bajo Ulloa, Javier Clemente, Kepa Acero, David Barbero, Ramon Barea ,Elena Arzak, Jon Sistiaga, Jose Luis Rebordinos, Mikel Urmeneta, Itziar Atienza, Susana Soleto eta Martin Berasategui izango dira, besteak beste, haien eraikin gustukoenak erakutsiko dizkiguten gonbidatuetako batzuk.
