telebista
gaur 22:30ean
Marta, Aissa, Karen, Diana, Alex eta Joxek finalista izan nahi dute
Hurrengo Jokoa irabazten duena Final handirako sailkatuko da Iñakirekin eta Oskarrekin batera. 22:30ean, ETB-2n izango dugu ikusgai.
'El Conquistador del fin del Mundo' saioko hurrengo Immunitate Jokoa irabazten duena Final handirako sailkatuko da, Iñaki eta Oskarrekin batera. Gaur gauean izango dugu ikusgai, 22:30ean, ETB-2n.
Condor taldearen nagusitasuna amaituko da, erronkak jokatzen dituztenen artean behintzat bai. Izan ere, bi urdin daude sailkatuta finalerako, eta saioko arduradunek, hurrengo jokorako, urdinez eta gorriz osatutako bikote mistoak osatzeko eskatuko diete. Jokoa sinplea izango da, ez, ordea, erraza. Palmondo batean gora egin beharko dute koko bat hartzeko. Haren zukua edaten duen lehena izango da irabazlea.
Goseak egurra emango die lehiakideen gorputzei. Diana gaixotu egingo da, eta zalantzan izango da saioan jarraitu ahal izango duen, edo ez. Donostiarrak sufritzen ariko den bitartean, haren arerioak sexu-organoen tamainaz hitz egiten ariko dira harrokeriaz. Dianaren ahuldadeak bakoitza bere lekuan jarriko du nominazioetan botoa ematerako orduan.
"El Conquistador del Fin del Mundo" saioa Hostoil ekoiztetxeak egiten du Euskal Telebistarentzat, eta igandero izaten dugu ikusgai, 22:30ean, ETB-2n, 'Eguraldia' tartearen ostean.
