Frantziako Tourraren 16. etapa, zuzenean Euskal Telebistan

Ventoux-eko etaparen ondorengo merezitako atsedenaldi egunaren ostean, Frantziako Tourra martxan jarriko da berriro, eta txirrindulariek itzuliaren hamaseigarren etapari aurre gin behar izango diote astearte honetan. Ibilbide zaila izango da, erasorako aproposa, eta 168 kilometro izango ditu Vaison-la-Romaine eta Gap herrien artean. Euskal Telebistak eta eitb.com atariak zuzenean bat egingo dute etaparekin 14:10etik aurrera ETBKn, eta 14.55ean, emanaldia ETB1en izango  da. Fermin Aramendik, Xabier Usabigak eta Pedro Mari Goikoetxeak egingo dute emanaldiaren gaineko kontakizuna.