telebista
ETB1en, 22:25ean
'Biba Mihiluze!' ikusgai, gaur gauean
A.A.
EiTB
Hiru bikote izango dira nor baino nor gehiago: Asier Illarramendi-Iñigo Martinez, Maitena Salinas-Miren Gaztañaga eta Abel Barriola-Inaxio Perurena.
-
Abel Barriola, Sara Cozar eta Iñaxio Perurena
'Biba Mihiluze!' saioa eskainiko du ETB1ek gaur, 22:25ean. Bertan, hiru bikote lehiatuko dira: Asier Illarramendi eta Iñigo Martinez futbol-jokalariak, Maitena Salinas eta Miren Gaztañaga aktoreak, eta Abel Barriola pilotaria eta Inaxio Perurena harri-jasotzailea.
'Mihiluze'ko historia luzean bidelagun izan dituzten beste hiru lagun ere ikusiko ditugu: Aitziber Garmendia, Asier Hormaza eta Sara Cozar aktoreak. Beraiek lagunduko diete hiru bikote ezagunei 'Mihiluze'ko Ginkana dibertigarria egiten.
Bestalde, Kike Amonarrizek eta Ilaski Serranok 'MHLZ'ren zortzi denboraldietako une hunkigarri, dibertigarri eta berezienak gogoratuko dituzte saioan zehar.
