telebista
Kirol emanaldiak
Zarauzko ikurrinaren bigarren jardunaldia, ETB1en eta eitb.com-en
A.H.
EITB
Horrez gain, ETBiarritzeko pilota torneo finala eskainiko dute zuzenean.
Igande honetan, Euskal Telebistako kamerek Zarauzko ikurrinaren bigarren jardunaldia eskainiko dute zuzenean. Goizeko 12:00etan emakumezkoen Euskotren ligarekin bat egingo dute, eta ondoren, San Miguel Ligako estropada jardunaldia eskainiko dute. Mikel Olazabal, Ibon Gaztañazpi eta Amane Ibañez izango dira emanaldiaren kontakizunaren arduradunak.
Arratsaldean, harrijasotzaileen Igeldoko Harria Saria eskainiko dute 16:00etatik aurrera, Koldo Aldalurren eskutik.
Pilota emanaldiaren txanda izango da ondoren, eta Biarritzeko Tornea eskainiko dute 17:00etan. Atariko partida, Arretxe II- Ibai Zabala eta Aritz Lasa- Laskurain bikoteen artekoa izango da. Torneoaren finala jokatuko duten bikoteak ordea, ez daude oraindik erabakita. Xabier Euzkitze, Joxan Tolosa eta Elena Azpeitiak egingo dute emanaldiaren gaineko kontakizuna.
