telebista
Astelehenean
Gorka Maneirorekin solasean, 'Egun On Euskadi'n eta 'ETB Hoy'n
M.A.
EITB
Vanessa Sanchezek literatura lanak sustatzeko eta argitara emateko bide berriak aztertuko ditu.
Gorka Maneiro, UPyDko legebiltzarkidea, elkarrizketatuko dute ETB1eko 'Egun On Euskadi'n eta ETB2ko 'ETB Hoy' albistegietan, astelehenean irailak 23. Eusko Legebiltzarrean izandako azken Politika Orokorreko Osoko Bilkuran jorratutako gaiak ekarriko ditu gogora Maneirok.
Entreescritores ekimena 'Entrada Libre'n
Vanessa Sanchez, bere aldetik, Idoia Sotorekin eta Guillermo Gomezekin solastatuko da ETB2ko 'Entrada Libre' saioan. Entreescritores proiektuaren bultzatzaileak dira eta ekimena zertan datzan azalduko dute. Ideia oso erraza da: idazleek euren literatura lanak publikatzen dituzte ekimeneko web gunean; ondoren, sare sozialetan eta webgunean zabalduko dira.
Irakurleek lanak irakurri eta baloratu behar dituzte, eta horrela liburu gehiago irakurtzeko aukera irabaziko dute. Liburu arrakastatsuenak ekimenean esku hartzen duten argitaletxeetara bidaliko dituzte argitara ditzaten.
