telebista
Zuzenean
Xala-Ezkurdia lau t'erdiko partida, ETB1en eta eitb.com-en, gaur
A.A.
EiTB
Horrez gain, Real Madril-Bilbao Basket eta Bartzelona-Gipuzkoa Basket saskibaloi partidak izango dira ikusgai.
Gaur Xalak eta Ezkurdiak Eibarren jokatuko duten lau t'erdiko txapelketako final laurdenetako partida zuzenean jarraitu ahal izango da ETB1en eta eitb.com-en. Bostetan hasiko da pilota jaialdia Julen Retegi-Cecilio / Jaunarena-Rezusta neurketarekin.
Goizean, zuzeneko beste bi emanaldi izango dira, Endesa Ligakoak biak: 12:15ean, ETB1en, Real Madril-Bilbao Basket, eta 12:30ean, ETBKn, Bartzelona-Gipuzkoa Basket. Biak ala biak, eitb.com bidez ere ikusgai izango dira.
ETB1eko herri kirol tartean, 16:00etan, Aizkolarien Kopako finala eskainiko da, eta, ohi denez, iluntzean futbol jardunaldiaren errepasoa egingo dute 'Gol Festa' saioan, 19:30ean eta 20:45ean.
ETBKn, goizean, beste bi kirol emanaldi izango dira: 12etan, Gorbeia Suzien mendi lasterketaren laburpena, eta 14:15ean, frontball pilota modalitateko World Tour 2013 txapelketa.
Iluntzean, berriz, pala eta zesta partida bana eskainiko dira 19:30etik aurrera: Garcia-Ibargarai / Altadill-Lujan eta Alberro-Etcheto / Aimar-Lekerika.
