telebista
Goizeko albsitegiak
Ana Oregi sailburuari elkarrizketa, 'Egun On Euskadi'n eta 'ETB Hoy'n
A.H.
EITB
Vanessa Sanchezek, bestalde, Kepa Acero surflaria elkarrizketatuko du 'Entrada Libre' saioan.
Ana Oregi Eusko Jaurlaritzako Ingurumen eta Lurralde Politikako sailburua elkarrizketatuko dute 'Egun On Euskadi' eta 'ETB Hoy' albistegietan. ETB1en, Oscar Rodriguez, Garbiñe Biurrun eta Roberto Uriarte izango dira solaskide, eta Estepan Aldamiz-Etxebarriarekin batera, egun eguneko gaien inguruko galderak egingo dizkiote sailburuari.
ETB2n, Olaia Urtiagak hartuko du Ana Oregi, eta ondoren, Adela Gonzalezek aurkeztutako magazinak eguneko albiste nabarmenenak aztertuko ditu.
Kepa Acero, 'Entrada Libre'n
Vanessa Sanchezek, bere aldetik, Kepa Acero surflari eta abenturazalea elkarrizketatuko du 'Entrada Libre' saioan. Egin dituen bidaien eta surfaren inguruko bideo eta erreportajeez arituko dira solasean.
