telebista
22:30ean
Durangoko XIX. Txistu Kontzertua, gaur, ETB1en
A.A.
EiTB
Silboberri txistulari bandak antolatutako emanaldia iragan urriaren 26an grabatu zen Landako Gunean.
Durangoko txistu kontzertuaz gozatzeko parada izango da gaur, 22:30ean, ETB1en. Silboberri txistulari bandak antolatutako jaialdiaren 19. edizioa dugu eta iragan urriaren 26an grabatu zen Landako Gunean.
Durangokoekin batera, Euskal Herriko hainbat herritako txistulariak arituko dira, Jabier Ituarteren zuzendaritzapean. Eurekin batera, ohi denez, Portugaleteko metal eta Barakaldoko perkusio jotzaileak. Aurtengo gonbidatu bereziak Gasteizko Udal Folklore dantza akademia eta Euskal Herriko Unibertsitateko abesbatza dira, azken hauek Enrique Azurzaren zuzendaritzapean.
