telebista
22:15etan
George Clooney 'Ocean's Thirteen' filmean, gaur gauean, ETB2n
EITB
Bilbo
Steven Soderberghek zuzendutako filma, lapurreten ingurukoa, 'Ocean´s Eleven' eta 'Ocean´s Twelve' lanen hurrengoa, 22:15ean hasita izango da ikusgai, ETB2n, ostiralean.
-
George Clooney y Brad Pitt
Ez galdu hamarrak pasata ETB2n emitituko den Ocean´s Thirteen filma, aktore bikainak batzen dituen thrillerra.
Reuben Tishkoff-ek (Elliot Gould) erretiratu ondoren ondo bizitzeko asmoa du, baina Willy Bank (Al Pacino) lagunarekin elkartu eta dena aldatuko da. Honek ziria sartu eta dituen ondasun guztiak kenduko dizkio. Horrekin konturatzen denean, Tishkoffek laguntza eskatuko dio Danny Oceani (George Clooney), eta, beste lagun batzuekin batera, Banken aurkako mendekua pentsatzen hasiko dira. Horretarako, aurretik egin zituzten lapurretetarako erabili duen taldea bilduko du berriz ere, eta, denen artean, Bank aberatsa porrotera eramateko plana prestatuko dute. Lehen xedea Willy Bankek inauguratuko duen kasino berriak, aurretik dituen lau hotelek bezala, bost diamanteen saria ez irabaztea izango da. Bigarrena, berriz, kasinoko makinak, dadoak, kartak… trukatuz, bertan 500 milioi dolar galaraztea izango da.
Ez galdu Hollywoodeko aktorerik onenetarikoak elkarrekin lanean erakusten dituen film hau.
