'Leones por corderos' filma, gaur gauean, ETB2n

Leones por corderos filma izango dugu ikusgai gaur gauean ETB2n. Robert Redfordek zuzendutako drama da, eta Redford bera, Meryl Streep eta Tom Cruise dira aktore nagusiak. 22:15etik aurrera emango dugu filma.

Egoera bereziak bizitzen ari diren hainbat pertsonaren arteko istorioa kontatzen du Leones por corderos lanak. West Coast Unibertsitatean hasiko da kontakizuna. Arian Finch (Derek Luke) eta Ernest Rodriguez (Michael Peña) ikasleek, Malley doktoreak (Robert Redford) bultzatuta, euren bizitzetan garrantzitsua izango den erabaki bat hartuko dute. Bi gazteek Afganistango gerran parte hartzea erabakiko dute. Bizirik egoteko ahaleginean buru-belarri murgilduko dira, eta Malley irakaslea, aldiz, larri eta hunkituta sentituko da.

Kalifornian, Malley, estu, Arianekin eta Ernestekin alderatuta bestelako izaera duen beste ikasle bat konbentzitzen saiatuko da. Bestetik, Washingtonen, Jasper Irving senatariak (Tom Cruise) albiste agentzia bateko kazetari bati, Janine Rothi (Meryl Streep), albiste bat emango dio. Ezusteko berri horrek Arianen eta Ernesten patua alda dezake.