Olentzero EiTBn izango da gaur

Olentzero EiTBren Bilboko egoitzara etorriko da gaur arratsaldean, 17:00etatik 19:00etara bitartean, bertara hurbiltzen diren ume guztien eskutitzak jasotzera. Horrela, bada, EiTB eta La Caixaren eskutik, opari txiki bat jasoko dute umeek eta Olentzerori eskutitza eman zein harekin argazki bat ateratzeko aukera izango dute. Gero, eitb.com-en argitaratuko dira argazki horiek. Hiru3 komunitatea ere bertan izango da karetak egiteko tailerrekin, ordenagailuekin jolasteko eta kide egiteko aukera ematen.

Haurrek Olentzerorekin hitz egiteko, argazkiak egiteko eta eskutitza emateko abagunea izango dute. Oraindik ez baduzu idatzi, nahi baduzu, webgune honetan bertan duzu eskutitza idazteko aukera.

Ez galdu Olentzerorekin egoteko aukera! EiTBren Bilboko egoitzan itxarongo zaituzte gaur 17:00etatik aurrera. Etorri!