Bankoa-DV pilota torneoaren finala, ETB1en eta eitb.com-en

Bankoa-DV torneoaren finaleko partidak Zumarragako Beloki pilotalekuan jokatuko dira, eta ETB1ek eta eitb.com-ek zuzenean eskainiko dituzte arratsaldeko 16:25etik aurrera. Bi kategorietan jokatuko dituzte finalak: gazteak eta nagusiak. Larunbe-Sanchez eta Martija-Altuna bikoteek jokatuko dute gazteen finala, eta nagusien kategorian, Bixintxi Bilbao-Telletxea eta Artola-Peñas bikoteak jarriko dira aurrez aurre. Koldo Aldalur kazetariak eta Jose Luis Ubera adituak egingo dute emanaldiaren gaineko kontakizuna.