Binakako pilota txapelketa, Tolosatik zuzenean, ETB1en eta eitb.com-en

Gaur arratsaldean, Tolosan jokatuko den binakako pilota txapelketako partida eskainiko dute Euskal Telebistak eta eitb.com-ek zuzenean, arratsaldeko 16:30etik aurrera. Hasteko, Rico IV eta Tainta pilotariek 4 1/2ko partida jokatuko dute jaialdiari hasiera emateko, eta ondoren, Berasaluze II-Albisu eta Xala-Zubieta bikoteak arituko dira nor baino nor gehiago bibitako txapelketan. Amaitzeko, Idoate-Untoria / Elezkano II-Begino neurketa jokatuko da. Xabier Euzkitzek, Joxan Tolosak eta Koldo Aldalurrek egingo dute kontakizuna zuzenean ETB1en eta eitb.com-en.

Ucam Murcia-Bilbao Basket

Bestalde, Ucam Murcia eta Bilbao Basket taldeen arteko norgehiagoka eskainiko dute ETB1ek eta eitb.com-ek zuzenean. Endesa Ligako hamabigarren jardunaldia izango da, eta Xabier de la Fuentek eta Josean Aldalurrek egingo dute partidaren gaineko kontakizuna arratsaldeko 19:30etik aurrera. Interneteko erabiltzaileek ere zuzenean jarraituko dute norgehiagoka.