Bizkaia Zubitik %22,2ko audientziarekin esan zion agur ETBk 2013ri

ETBk urte berriari Bizkaia Zubitik eman zion ongi etorria eta emanaldiak arrakasta handia lortu zuen. Guztira, audientziaren %22,2ak jarraitu zuen Gabon Zaharreko emanaldia ETBn.

ETB2n, Africa Baetak, Julian Iantzi, Patxi Alonso, Juanito Oiarzabal eta José Luis Kortarekin batera gidatu zuen 'Kaixo 2014' saioa, eta %18,6ko audientzia zatia lortu zuen. ETB2 izan zen urtea agurtzeko bigarren aukera Euskadin, eta emanaldiak, 236.000 ikus-entzuleko audientzia metatua izan zuen.

Horrez gain, Gabon Zaharreko saio bereziak audientzia buru izan ziren ETB2n, gauerdiko emanaldiaren aurretik. 'Euskadi Movie' umore saioak, 2013ko gertaera aipagarrienak gogoratu zituen, eta audientziaren babesa jaso zuen: %24,7ko share-a eta 171.000 ikus-entzuleko audientzia metatua izan zuen Euskadin eta eragin eremuan. 'Vaya Semanita: Especial Nochevieja' saioak bere aldetik, %22,5eko audientzia zatia izan zuen eta 157.000 ikus-entzuleko audientzia metatua.

Lehenengo kateari dagokionez, 'Kontrako Eztarria' saioko kideek urte berria agurtzera gonbidatu zituzten ikus-entzuleak Bizkaia Zubitik, eta euskaldunen %8,5ak jarraitu zuen emanaldia. Horrez gain, Gabon Zaharreko 'To Mahatsak' saio bereziak, 104.000 ikus-entzuleko audientzia metatua lortu zuen Euskadin eta eragin eremuan.