Presoen egoeran inflexio puntua izango den aztertuko dute 'El Dilema'n

Juan Carlos Etxeberriak astelehenetan ETB2n aurkezten duen 'El Dilema' saioak presoen egoera aztertuko du. EPPK-ko presoek komunikatua kaleratu eta, hori babesteko, preso ohiek Durangon agerraldia egin ostean, inflexio puntu bat izango al da presoen egoeran? Iragan asteko polizia-operazioak eta larunbateko manifestazioaren debekuak, besteak beste, zein eragin izango dute?

Gai horri buruz hitz egiteko, ondorengo gonbidatuak izango dituzte: Luis Aizpeolea, El Pais egunkariko kazetaria; Joseba Santamaría, Diario de Noticias egunkariko zuzendaria; Iñigo Sáenz de Ugarte, eldiario.es egunkariko kazetaria; Garbiñe Biurrun, epailea, eta Andoni Unzalu, PSE-EEko kidea.