telebista
EiTBn eta eitb.com-en
Futbola, erremontea eta saskibaloia gaur, zuzenean
A.A.
EiTB
Athletic B-Conquense, Alaves-Girona, Urriza-San Miguel eta Bilbao Basket-Iberostar Tenerife: gaur arratsaldeko kirola, ETBn. Futbol eta saskibaloi emanaldiak eitb.com-en ere zuzenean eskainiko dira.
Zuzeneko lau kirol emanaldi izango ditugu gaur arratsaldez Euskal Telebistan. 16:00etan izango dugu lehen hitzordua ETB1en, Bigarren B Mailako Athletic B-Conquense partidarekin. Xabier Anduezak eta Juanan Larrañagak egingo dute kontakizuna. Segidan, Bigarren Mailako Alaves-Girona neurketaren berri emango dute Naxari Altunak, Juanan Larrañagak eta Joseba Urkiolak.
17:00etan, ETBKn, erremonteko Masters finala izango da ikusgai, Urriza eta San Miguel buruz buru Hernaniko Galarretan. Iñigo Aiestaranek egingo ditu esatari lanak Manuel Arrizabalaga Matxin lagun duela.
Azkenik, 20:15ean, ETB1en, Endesa Ligari egingo diote tartea. Bilbao Basketek Iberostar Teneriferen aurka jokatuko duen norgehiagokaren ingurukoak ekarriko dizkigute Xabier de la Fuentek, Josean Aldalurrek eta Juan de la Vegak.
Futbol eta saskibaloi emanaldiak eitb.com-en ere zuzenean jarraitu ahal izango da.
Bestalde, Lehen Mailako futbol jardunaldiaren errepasoa egingo du Jon Elortzak 22:00etatik aurrera "Gol Festa" saioan. Granada-Osasuna partidari tarte berezia eskainiko diote.
