telebista
Gaur
EAJko Iñigo Iturraterekin, 'Egun On Euskadi'n eta 'ETB Hoy'n
A.H.
EITB
Vanessa Sanchezek Javier Calparsoro CEAR- Euskadiko presidentea elkarrizketatuko du.
Gaur, Iñigo Iturrate EAJko legebiltzarkidea 'Egun On Euskadi' eta 'ETB Hoy' albistegietan izango dute gonbidatu, eta egun-eguneko gai politikoez arituko da. ETB1en, Estepan Aldamiz-Etxebarriaren galderak erantzungo ditu, eta Oscar Rodriguez, Jose Mari Pastor eta Eneko Goia izango dira saioan solaskide.
ETB2n Olaia Urtiagak egingo dio elkarrizketa, eta ondoren, Silvia Intxaurrondok gidatutako solas tartean eguneko albiste nabarmenenak aztertuko dituzte.
CEAR-Euskadiren lanaz, 'Entrada Libre'n
Vanessa Sanchezek, bestalde, Javier Calparsoro CEAR-Euskadiko presidentea elkarrizketatuko du. Errefuxiatuei laguntzeko Euskadiko batzordeak Rène Cassin Giza Eskubideen Saria jasoko du.
