telebista
Goizeko albistegiak
Lan harremanei buruz, 'Egun On Euskadi'n eta 'ETB Hoy'n
A.H.
EITB
Tomas Arrieta, Lan Harremanen Euskal Kontseiluko presidentea, ETBko goizeko albistegietan izango da gonbidatu.
Tomas Arrieta Lan Harremanen Kontseiluko presidenteari elkarrizketa egingo diote 'Egun On Euskadi' eta 'ETB Hoy' albistegietan. Euskal langileriaren egoeraz eta laneko baldintzen inguruan arituko da gonbidatua Estepan Aldamiz-Etxebarriarekin ETB1en, eta, horrez gain, Josu Alvarez, Tasio Erkizia, Iñaki Zarraoa eta Antton Karrera solaskideak izango dira saioan.
ETB2n, Tomas Arrietak Olaia Urtiagaren galderak erantzungo ditu, eta, ondoren, Silvia Intxaurrondok analisi eta solasaldirako tartea gidatuko du.
Euskal ingeniaritza hizpide, 'Entrada Libre'n
Vanessa Sanchezek Josemari Rodriguez Ibabe, Tecnun eskolako irakasle eta ikerlaria, elkarrizketatuko du 'Entrada Libre'n. Tecnun Nafarroako Unibertsitateko ingeniaritza eskola da, eta duela gutxi ospatu du bere 500. tesiaren defentsa. Hitzorduan zehar, eskolaren 52 urteko ibilbideaz arituko da gonbidatua, eta, halaber, egungo euskal ingeniaritzaren egoeraz hitz egingo du.
